Caixóns de saída
Acreditación de Marcas e Asignación
Os participantes distribuiranse en diferentes caixóns segundo a marca acreditada nunha media maratón, que se solicitará ao cubrir o formulario de inscrición. Para acceder ao caixón 1 será necesario acreditar unha marca oficial obtida entre o 2 de maio de 2025 e o 18 de abril de 2027. A Secretaría Técnica verificará a información e poderá modificar o caixón solicitado se a marca non se pode acreditar debidamente. Para o resto de caixóns, os atletas indicarán unha marca, non tendo por que ser oficial.
Acceso ao Caixón Élite
O acceso ao caixón élite será determinado pola Dirección Técnica. Como referencia inicial poderán considerarse: Homes: marca inferior a 1 hora e 10 minutos | Mulleres: marca inferior a 1 hora e 24 minutos. O cumprimento destas marcas non implicará automaticamente a condición de atleta convidado. Quen poida acreditar unha marca oficial con estas condicións poderá solicitar a súa inclusión no caixón élite enviando unha solicitude a finishlinesantiago@gmail.com.
Localización, Horario de Apertura e Acceso
A saída será na Avenida de Lugo, á altura da Rúa dos Concheiros. A apertura dos caixóns de saída será ás 09:00 h, a presentación da proba ás 09:25 h e a saída ás 09:30 h. Cada participante deberá acceder ao espazo correspondente á cor do seu dorsal e non se permitirá avanzar a un caixón máis rápido. Saír dun caixón diferente ao asignado na inscrición será motivo de descualificación.
Chegadas Tarde, Recollida de Dorsais e Período Extraordinario
Os corredores que cheguen tarde serán situados no último caixón ou no lugar indicado pola organización. Non se admitirán cambios nos caixóns de saída na recollida de dorsais. No caso de abrirse excepcionalmente o período extraordinario de inscrición entre o 18 e o 25 de abril de 2027, as persoas inscritas nese prazo non terán garantida a asignación inicial do caixón solicitado.