Categorías Oficiais
Requisitos de Idade e Participación
A participación estará permitida a deportistas que teñan 18 anos cumpridos o día 31 de decembro de 2026 (nados en 2008 ou anteriores):
- Estado de saúde e preparación: Todas as persoas inscritas declaran que se atopan nun estado de saúde adecuado e que dispoñen da preparación física necesaria para completar unha carreira de 21.097,5 metros.
- Acreditación Local e Galego: Para acceder aos premios de local e galego será necesario presentar un certificado de empadroamento expedido como máximo un mes antes da celebración do evento.
Quórum Mínimo por Categoría
A proba contará coas categorías establecidas no regulamento sempre e cando se acade un mínimo de 5 atletas por categoría e sexo.
Clasificación Absoluta e Acumulación de Premios
A clasificación xeral absoluta inclúe a todas as persoas participantes, con independencia da súa categoría de idade. Todos os premios serán acumulables, á excepción do local e galego que non se poderán acumular entre si.
Clasificación por Equipos
Na clasificación por equipos, todos os atletas deberán ter licenza federativa na tempada correspondente á celebración do evento polo devandito club, permitindo atletas de clubs filiais sempre que se indique nas inscricións. Todos os membros do equipo deberán indicalo nas inscricións para poder formar parte do mesmo. Sumaranse os tempos dos 4 mellores para a clasificación final, en cada sexo.
Clasificación por Empresas
Haberá unha clasificación por empresas, na cal só se terá en conta o número de participantes, sendo gañadora a que conte con máis atletas que rematen a proba. En caso de empate, gañará a empresa cuxo primeiro participante en chegar á meta rematase a proba en menos tempo.
Clasificación por Clubs
Haberá unha clasificación por clubs, na cal só se terá en conta o número de participantes, sendo gañador o club que conte con máis atletas que rematen a proba. En caso de empate, gañará o club cuxo primeiro participante en chegar á meta rematase a proba en menos tempo.